Երեկ Օսլոյի Քաղաքային դահլիճում տեղի է ունեցել 2015թ. խաղաղության Նոբելյան մրցանակաբաշխության արարողությունը՝ հայտնում է Dailymail-ը:
Դահլիճում հրավիրվածների թվում են եղել Նորվեգիայի թագավոր Հարալդ V-ը և նրա կինը՝ թագուհի Սոնյան, Նորվեգիայի կառավարության և խորհրդարանի անդամներ, միջազգային հյուրեր, դիվանագետներ, հասարակական կազմակերպությունների ներկայացուցիչներ, մրցանակակիրների պատվիրակության անդամները:
Նոբելյան մեդալը և դիպլոմը հանձնվել են «Թունիսում ազգային երկխոսության քառյակ» կազմակերպությանը՝ 2011 թվականի հեղափոխությունից հետո Թունիսում պլյուրալիստական ժողովրդավարության ստեղծման հարցում կազմակերպության ունեցած դերակատարման համար։
