Երեւանի Ազատության հրապարակից այսօր՝ դեկտեմբերի 14-ին բերման ենթարկված՝ «Նոր Հայաստան» շարժման մասնակից Արամ Թարվերդյանը ազատ է արձակվել: Այս մասին հայտնում են Ոստիկանության լրատվական ծառայությունից:
Ոստիկանների օրինական պահանջները չկատարելու համար Արամ Թարվերդյանի նկատմամբ կազմվել է վարչական իրավախախտման վերաբերյալ արձանագրություն՝ ՀՀ Վարչական իրավախախտումների վերաբերյալ օրենսգրքի 182-րդ հոդվածի պահանջների հատկանիշներով:
Հիշեցնենք, որ, ըստ «Նոր Հայաստան» շարժման «Ընդդիմության միասնական շտաբ»-ի հաղորդագրության, նրան բերման էին ենթարկել 27 օր հացադուլ արած Հայկ Կյուրեղյանի լուսանկարով ու նրա վերաբերյալ գրությամբ պաստառը Ազատության հրապարակում տեղադրելու համար: