Այսօր՝ դեկտեմբերի 15-ին, ԱԺ-ում մշակույթի փոխնախարար Արթուր Պողոսյանը ներկայացրեց Պետական զինանշանի մասին օրենքում զինանշանի չափանիշների փոփոխությունների նախագիծը:
Պողոսյանը նշեց, որ առանց այդ չափանիշի զինանշանն օգտագործվում է ոչ միանման եւ ոչ այնքան ներկայանալի: Սա վերաբերում է նաեւ հեռուստաեթերում, պաշտոնական փաստաթղթերում, կնիքների եւ ծառայողական համազգեստների վրա գործածմանը:
«Զինանշանի չափանիշները (գունային գամման, չափերը, ձեւերը) արդեն մշակվել են, սակայն չեն կարող համընդհանուր գործածման լինել, մինչեւ օրենքի փոփոխությունների ընդունումը»,- ասաց Պողոսյանը: