RIA nօvosti-ի փոխանցմամբ՝ Սպիտակ Տան պաշտոնական ներկայացուցիչ Ջոշ Էռնեսթը հայտարարել է, որ ԱՄՆ վարչակազմն «անհեթեթություն» է համարում Պուտինի այն հայտարարությունը, թե Թուրքիան կարող էր ռուսական «Սու-24» ռազմական օդանավը խոցել ԱՄՆ-ին գոհացնելու համար:
Նրա խոսքով՝ ԱՄՆ-ն պաշտպանում է սեփական երկրի օդային տարածքը պաշտպանելու Թուրքիայի իրավունքը: Ջոշ Էռնեսթը նաև կոչ է արել Մոսկվային ու Անկարային թուլացնել լարվածությունը:
Հիշեցնենք, որ երեկ՝ դեկտեմբերի 17-ին Մոսկվայում մամուլի մեծ ասուլիսի ժամանակ ՌԴ նախագահ Վլադիմիր Պուտինն ասել էր, որ հնարավոր է` Թուրքիան «Սու-24»-ը խոցել է ԱՄՆ-ին գոհացնելու համար:
