Կարելիա Հանրապետության ղեկավար Ալեքսանդր Խուդիլայնեն տեղացի 10-ամյա դպրոցական Իրինա Նիկիտենկովային ՌԴ նախագահ Վլադիմիր Պուտինի անունից նվեր է հանձնել:
obozrevatel.com-ի փոխանցմամբ՝ այս մասին ասվում է Հանրապետության կառավարության պաշտոնական կայքում:
Մինչդեռ, սոցիալական ցանցերի օգտատերերը նկատել են, որ դպրոցականն ու ՌԴ նախագահը արտաքնապես չափացանց նման են իրար:
Ամանորից առաջ 10-ամյա դպրոցականը Վլադիմիր Պուտինին նամակ էր գրել, որում խնդրել է կատարել իր ցանկությունը՝ տեսախցիկ նվիրել, քանի որ, ինչպես գրում է աղբյուրը, Իրինան ցանկանում է վիդեոբլոգեր դառնալ:
«Ես շնորհակալ եմ Վալդիմիր Վլադիմիրովիչին: Ցանկանում եմ հոլովակ նկարահանել և կնկարահանեմ այն քաղաքները, որտեղ այցելում եմ»,-ասել է դպրոցական աղջիկը:
Նա պարզաբանել է, որ նախկինում նկարահանում էր հեռախոսով, սակայն այն կոտրվել է, իսկ պապիկն ու տատիկը չեն կարող իրենց թույլ տալ նման գնում կատարել:
ՌԴ նախագահի և 10-ամյա դպրոցական աղջկա արտաքին նմանությունը նկատել է նաև ռուսաստանցի քաղաքագետ Ստանիսլավ Բելկովսկին:
