ՀԱՊԿ-ի նիստին քննարկվել է հայ-ադրբեջանական սահմանին լարվածության, ինչպես նաեւ ԼՂՀ եւ Ադրբեջանի ԶՈՒ-երի շփման գոտում իրավիճակի հարցը:
Այդ մասին Մոսկվայում ՀԱՊԿ-ի նեղ եւ ընդլայնված կազմով նիստի եւ նստաշրջանի արդյունքներն ամփոփելով` լրագրողներին ասել է Հայաստանի նախագահի աշխատակազմի ղեկավար Վիգեն Սարգսյանը:
«Հայաստանի նախագահը բոլորին կոչ է արել ավելի ուշադիր լինել նման իրավիճակներում, եւ որ փոխադարձ աջակցությունը պիտի լիարժեք իրականացվի: Եվ երբ աջակցություն չի լինում, ստացվում է, որ հարվածի տակ է դրվում ՀԱՊԿ-ի արդյունավետությունը եւ ճշմարտացիությունը»,- նշել է աշխատակազմի ղեկավարը:
