Շվեդիայի՝ մեծությամբ 2-րդ քաղաք Գյոտեբորգի խորհուրդը որոշել է կրճատել պետական ծառայողների աշխատանքային ժամերը՝ 9-ի փոխարեն դարձնելով 6 ժամ։
Սակայն միևնույն ժամանակ այս որոշումը չի ազդել աշխատողների աշխատավարձերի վրա, և նրանք շարունակում են օրական 6 ժամ աշխատելով նախկին աշխատավարձը ստանալ։
Ինչպես նշում է independent.co.uk-ը, այս որոշումը տարածվել է պետաշխատողների մի մասի վրա, մինչդեռ մյուսները շարունակում են աշխատել առաջվա պես 9 ժամ։
Պարբերականը նշում է, որ ուշագրավ տնտեսական փորձարկումը տևելու է 1 տարի, ինչից հետո մասնագետները համեմատելու են 6 և 9 ժամ աշխատողների կատարած գործի արդյունավետությունը։ Եթե դրանք հավասար լինեն, ապա քաղաքում բոլոր պետական ծառայողների համար աշխատաժամը կհասցվի 6 ժամի։
