WIN/Gallup International-ի իրականացրած հարցման համաձայն՝ աշխարհի 65 երկրում աշխարհի տասն առաջնորդների շրջանում Բարաք Օբաման ձզբաղեցրել է առաջին տեղը:
ԱՄՆ նախագահին դրական է գնահատում հարցվածների 59 տոկոսը, 29 տոկոսը նրան բացասաբար է վերաբերվում:
Երկրորդ հորիզոնականը զբաղեցրել է ԳԴՀ-ի կանցլեր Անգելա Մերկելը: Նրան աջակցում է ամբողջ աշխարհում հարցվածների 42 տոկոսը, 29 տոկոսը բացասաբար է վերաբերվում: Առաջնորդների եռյակը եզրափակում է բրիտանական վարչապետ Դեւիդ Քեմերոնը իրեն համակրողների 37 եւ բացասաբար վերաբերվողների 28 տոկոսով:
Ռուսական առաջնորդ Վլադիմիր Պուտինին ամբողջ աշխարհում դրական է վերաբերվում հարցվածների 33 տոկոսը: Այդ ցուցանիշով նա առաջատար եռյակից բացի, զիջում է նաեւ Ֆրանսիայի նախագահ Ֆրանսուա Օլանդին: Պուտինն ընդամենը ութերորդ տեղում է. նրան բացասաբար է վերաբերվում հարցվածների 43 տոկոսը: Ռուսական առաջնորդից ներքեւ համակրանքի ինդեքսի առումով Սաուդյան Արաբիայի (–11 տոկոս) եւ Իրանի (–13 տոկոս) առաջնորդներն են:
