«ԱՍ» քաղաքական-հասարակական մրցանակաբաշխության քվերկության ավարտին հաշված ժամեր են մնացել: Հիշեցնենք, որ քվերարկությունը կավարտվի այսօր` ժամը 23:00-ին:
Analitik.am-ը զրուցել է «Լավագույն վերլուծաբան» անվանակարգում նոմինացված Վարդան Ոսկանյանի հետ: Այս պահին վերջինս գլխավորում է աղյուսակը` 1600 ձայնով:
_ Պարո’ն Ոսկանյան, այս պահին Դուք գլխավորում եք «ԱՍ» քաղաքական-հասարակական մրցանակաբաշխության «Լավագույն վերլուծաբան» անվանակարգի աղյուսակը: Ի՞նչ եք կարծում, որն է Ձեր այս հաջորղության գաղտնիքը:
-Ճիշտն ասած` վերջին օրերին չէի հետևել այդ քվեարկության ընթացքին: Չգիտեի, որ արդեն ես եմ առաջին տեղում գտնվում: Պետք է ասեմ, որ այդտեղ նոմինացված այնպիսի վերլուծաբաններ, ովքեր արժանի են հաղթանակի` Գոհար Իսկանդարյանը, Արամ Աբրահամյանը, Ռուբեն Սաֆրաստյանը, Ալեքսանդր Իսկանդարյանը… Այս անվանակարգում նոմինացված բոլոր մասնագետներն էլ շատ լավ են աշխատել: Կարծում եմ` այստեղ նոմինացված են այնպիսիք, ովքեր ավելի շատ են արժանի հաղթանակի, քան ես:
_Ի՞նչ եք կարծում, հատկապես ինչի՞ շնորհիվ եք շահել այն մարդկանց համակրանքն, ովքեր քվեարկել են Ձեր օգտին:
-Չգիտեմ` ինչ սկզբունքով են քվեարկել: Երևի այդպես են ճիշտ գտել այդ պահին: Բայց, պետք է ասեմ, որ ամեն ինչից առաջ` ես կարևորում եմ մարդկային հարաբերությունները:
-Եթե հենց Դուք հաղթեք այս անվանակարգում, ի՞նչ եք կարծում, ինչպես կանդրադառնա այդ հանգամանքը Ձեր կարիերայի վրա:
- Անկեղծ ասած ` չէի հավակնում առաջինը լինել: Չեմ կարծում, որ այդ մրցանակն իմ աշխատանքի ընթացքի կանդրադառնա: Բայց, ամեն դեպքում, հաճելի է առաջինը լինելը, գնահատված լինելը:
