Analitik.am-ը զրուցել է ‹‹ԱՍ›› մրցանակաբաշխության շրջանակներում «Տարվա ամենահամբերատար պաշտոնյա» հատուկ մրցանակին արժանացած Երևանի փոխոստիկանապետ Վալերի Օսիպյանի հետ:
-Պարո՛ն Օսիպյան, ինչպե՞ս եք կարողանում այդքան պատասխանատու պաշտոն զբաղեցնել և միաժամանակ լինել այնքան համբերատար, որ նույնիսկ հանրությունն է նկատում այդ փաստը:
-Մենք միշտ մեր քաղաքացիներին ասում ենք՝ մենք ձեզանից մեկն ենք: Ոստիկանության աշխատակիցը ժողովրդի մի մասիկն է: Մենք մեր ժողովրդի նկատմամբ լավ վերաբերմունք ենք ցուցաբերում՝ անկախ նրանից՝ նա կլինի ակտիվիստ, քաղաքական գործիչ, թե պաշտոնյա... Մենք բոլորս էլ հայ ենք: Մենք՝ իրավապահներս, պետք է հանդուրժողականություն դրսևորենք: Մեր գործառույթներից մեկն այն է, որ մենք պարտավոր ենք պահպանել հասարակական կարգը և լինել համբերատար:
-Գաղտնիք չէ, որ բոլոր իրավապահները չէ, որ համբերատար են ու հանդուրժող, ի՞նչ խորհուրդ կտաք նրանց: Ո՞րն է համբերատար լինելու գաղտնիքը:
-Մենք պետք է հանդուրժող ու համբերատար լինենք: Այո՛, մեր համակարգում կան իրավապահներ, ովքեր և՛ կրթվելու, և՛ թրծվելու կարիք ունեն: Բայց մենք ջանում ենք անել այնպես, որ կարողանանք հնարավորինս արագ լրացնել այդ բացերը:
Հարցազրույցը վարեց Հասմիկ Բալեյանը