Ադրբեջանում կալանավորվել է նախկինում լուծարված Ազգային անվտանգության նախարարության Հակաահաբեկչական կենտրոնի նախկին ղեկավար գեներալ-մայոր Էլչին Գուլիեւը:
Այս պահին խուզարկումներ են իրականացվում այն բոլոր հասցեներում, որտեղ գրանցված է Գուլիեւը, հայտնում է Trend-ը՝ վկայակոչելով իր աղբյուրները:
Ավելի վաղ հաղորդվում էր, որ Բաքվի քննչական մեկուսարանում ինքնասպան է եղել Գուլիեւի տեղակալ Իլքար Ալիեւը: Նրան մեղադրում էին պաշտոնական լիազորությունները չարաշահելու մեջ:
Հիշեցնենք, որ Ադրբեջանի նախագահ Իլհամ Ալիեւը հոկտեմբերին ազատել էր ԱԱՆ ղեկավար էլդար Մահմուդովին, որից հետո գերատեսչությունում ձերբակալություններ էին սկսվել:
