Սաուդյան Արաբիան 2015 թվականն ավարտում է բյուջեի ռեկորդային դեֆիցիտով՝ 98 միլիարդ դոլար (367 միլիարդ ռիալ)։ Այդ մասին հայտնել է երկրի կառավարությունում լրատվամիջոցի աղբյուրը։
Տարեվերջին պետության ծախսերը կարող են կազմել 975 միլիարդ ռիալ։ Դա 13 տոկոսով ավելին է պլանավորվածից։ Ակնկալվում է, որ եկամուտները պլանավորված 715 միլիարդ ռիալից կրճատվելու են մինչև 608 միլիարդ ռիալի։ Բյուջեի դեֆիցիտի գլխավոր պատճառը նավթի գնանկումն է։
Նոյեմբերի 8-ին ԱՄՀ-ի տնօրեն Քրիստին Լագարդը հայտարարել է, որ 2015 թվականին Պարսից ծոցի երկրները նավթի գնանկման պատճառով չեն ստանա 275 միլիարդ դոլար։
