Այս մասին ՀՀ կառավարության նիստի ընթացքում առողջապահության նախարար Արմեն Մուրադյանը զեկուցեց այն մասին, որ վերջին 20 օրերի ընթացքում Հայաստանում նկատվել է սուր շնչառական հիվանդությունների զգալի աճ:
Նախարարի խոսքով՝ ուժեղացվել են սահմանային անցակետերում հսկողությունը:
«20000 այց է եղել պոլիկլինիկաներ, որոնցից 7000-ը՝ սուր շնչառական հիվանդություններով: 948 հիվանդ է այս պահին գտնվում հիվանդանոցներում, որոնցից 420-ը՝ թոքաբորբով: Երեխաները կազմում են ընդհանուր հոսպիտալացման 80 տոկոսից ավելին: Այս պահին շնչառական ապարատներին է միացված 11 հիվանդ, որոնց վիճակը գնահատվում ծայրահեղ ծանր: Հաշվի առնելով երեխաների ընդհանուր հիվանդացությունը, առաջարկում ենք ևս մեկ շաբաթով շարունակել դպրոցական արձակուրդները»,- ասաց Արմեն Մուրադյանը։
Վարչապետ Հովիկ Աբրահամյանը Կրթության և գիտության նախարարին հանձնարարեց կարգավորել այդ հարցը:
