Այսօր՝ հունվարի 14-ին, ՀՀ կառավարության նիստում որոշուըմ կայացվեց 2016 թվականին շարունակել սահմանամերձ համայնքների ընտանիքներին տրվող բնական գազի, էլեկտրաէներգիայի, ոռոգման ջրի սակագնի մասնակի ու գույքահարկի և հողի հարկի փոխհատուցման քաղաքականությունը:
ՀՀ տարածքային կառավարման և արտակարգ իրավիճակների նախարար Արմեն Երիցյանը ասաց, որ ընդունվելիք նախագծով առաջարկվում է անփոփոխ թողնել ՀՀ կառավարության կողմից սահմանված փոխհատուցման ենթակա ծավալներն ու փոխհատուցման կարգը:
Վարչապետ Հովիկ Աբրահամյանը տեղեկացրեց, որ կառավարության որոշմամբ սահմանամերձ համայնքների ցանկում են ներառվելու նաև Բերդ և Ճամբարակ քաղաքները:
