Այսօր` հունվարի 15-ին, ողբերգական դեպք է տեղի ունեցել Երևանում: ժամը 21:40-ի սահմաններում Տարածքային կառավարման և արտակարգ իրավիճակների նախարարության փրկարար ծառայության օպերատիվ կառավարման կենտրոն ահազանգ է ստացվել, որ Հասմիկի փողոցի 7/1 հասցեում գտնվող ավտոտնակում անօգնական քաղաքացի կա և ավտոտանկի դուռը բացելու համար անհրաժեշտ է հրշեջ-փրկարարների միջամտությունը:
Օպերատիվորեն ժամանած Տարածքային կառավարման և արտակարգ իրավիճակների նախարարության թիվ 7 հրշեջ-փրակարական ջոկատի աշխատակիցները ավտոտնակի պատուհանից մտնելով ներս` հայտնաբերել են մահացած տղամադրու դի:
Ժամանել է նաև ոստիկանության Մաշտոցի բաժնի օպերատիվ խումբը` բաժնի պետ Դավիթ Սարգսյանի և բաժնի պետի օպերգծով տեղակալ Ալեն Կարապետյանի գլխավորությամբ:
Տեղում քննչական աշխատանքները ղեկավարում է Հայաստանի քննչական կոմիտեի Երևանի քննչական վարչության Աջափնյակ և Դավիթաշեն վարչական շրջանների քննչական բաժնի ավագ քննիչ Վազգեն Մամիկոնյանը, ում կողմից փաստի առթիվ նյութեր են նախապատրաստվում:
Ոստիկանությունն ու քննչական բաժինը պարզում են մահացածի ինքնությունը:
