Հռոմի պապ Ֆրանցիսկոսը Վատիկանում փակ հանդիպում է անցկացրել Apple-ի ղեկավար Թիմ Կուկի հետ, հայտնում է Reuters-ը:
Նշվում է, որ հանդիպման արդյունքում Ֆրանցիսկոսը հիմնականում խոսել է համացանցի դերի մասին՝ նշելով, որ սոցիալական ցանցերը «աստծո պարգևներ են, եթե դրանք օգտագործվեն իմաստուն ձևով»:
Նա հայտարարել է, որ «համացանցը կարելի է օգտագործել առողջ հասարակություն կառուցելու համար, որը պատրաստ է կիսել»:
Խոսելով դրա բացասական հետևանքներից՝ Հռոմի պապը նշել է, որ սոցիալական ցանցերը կարող են նպաստել հարաբերությունների զարգացմանը, սակայն կարող են նաև հանգեցնել հասարակության պառակտմանը:
