Երեւանի «Շենգավիթ» բժշկական կենտրոնի բժշկուհի Շուշանիկ Բախշյանին քիչ առաջ «Շտապօգնության» մեքենայով տարեն են Կենտրոն եւ Նորք Մարաշ ընդհանուր իրավասության դատարանից:
Բախշյանի փաստաբան Ալեքսանդր Սիրունյանի խոսքով՝ իր պաշտպանյալի ինքնազգացողությունը վատացել է:
Նշենք, որ դատարանը պարտավորեցրել է քննիչին ազատ արձակել Շուշանիկ Բախշյանին, սակայն Ալեքսանդր Սիրունյանը պնդում է, քննիչը «փախել» է դատարանից, որպեսզի չկատարի դատավորի որոշումը:
Հիշեցնենք, որ Շուշանիկ Բախշյանին են մահացած Մերի Մարգարյանի հարազատները մեղադրում ծննդկանի եւ նորածնի մահվան մեջ:
Դեպքի առթիվ օգոստոսի 3-ին հարուցվել է քրեական գործ` ՀՀ քրեական օրենսգրքի 130-րդ հոդվածի 2-րդ մասի հատկանիշներով: Ըստ Քննչական կոմիտեի տարածած հաղորդագրության՝ «Շենգավիթ» ԲԿ-ի բժշկուհի Շուշանիկ Բախշյանը ցուցաբերել է անբարեխիղճ վերաբերմունք, ինչի հետեւանքով հղիության 35-րդ շաբաթում գտնվող Մերի Մարգարյանը մահացել է։
Լուսանկարը՝ www.news.am
