Ամերիկացի, ռուս և ավստրալացի աստղագետներից բաղկացած թիմը հայտնաբերել է աստղ, որն ըստ ենթադրությունների՝ գոյացել է այն նույն գազափոշային ամպից, որից ստեղծվել է Արևը։
Ինչպես նշում է Лента-ն, HD 162826 աստղը գտնվում է Հերկուլեսի համաստեղությունում՝ Արևից 110 լուսային տարի հեռավորության վրա։ Հայտնի է, որ նորահայտ երկնային մարմինն Արևից մեծ է 15%-ով։ Այն հնարավոր չէ տեսնել անզեն աչքով, այլ միայն հեռադիտակով։
Աստղագետները չեն բացառում, որ HD 162826-ի կողքին կարող են լինել ոչ մեծ արբանյակներ։ Նշվում է, որ Արևի «եղբորը» գտնելու համար մասնագետներն ուսումնասիրել են մոտ 30 աստղ։