Իրանը և Չինաստանը համաձայնության են եկել 25 տարով ռազմավարական համագործակցության շուրջ:
Ինչպես փոխանցում է «ԻՐՆԱ» իրանական գործակալությունը` այս մասին հայտարարել է երկրի հոգևոր առաջնորդ այաթոլլա Ալի Համենեին Չինաստանի նախագահ Սի Ցզինպինի հետ հանդիպման ընթացքում:
Սի Ցզինպինի` Իրան այցելության ընթացքում կողմերը 17 համաձայնագիր են ստորագրել:Մասնավորապես, համաձայնություններ են կնքվել Էներգետիկ, ֆինանսական, արդյունաբերական, շրջակա միջավայրի և տեխնիկայի ոլորտներում համագործակցության մասին:
Նշվում է նաև, որ առաջնորդները քննարկել են նաև ծովային «Մետաքսի ճանապարհի» զարգացման հեռանկարները:
