Շարունակում ենք «Ի՞նչ է մասոնությունը» ուսումնասիրությունը: Ինչպես խոստացել էի նախ կներկայացնենք մասոնության խորհրդանիշները:
Մաս 2
Սայր և մուրճ
Աշակերտին իր աշխատանքն իրագործելու համար տրվում են գործիքներ՝ սայր, որը խորհրդանշում է հաստատուն միտքը, ընդունած որոշումները, և մուրճ՝ դրանք իրագործելու համար: Սայրը խորհրդանշում է կրթության առավելությունը, ինչի շնորհիվ էլ մենք վերածվում ենք մարդու՝ մեր հաստատում և կատարյալ համայնքի պահանջներին համաձայն:
Մուրճն օգտագործվում է քարտաշների կողմից՝ քարին երկրաչափական ճիշտ ձև տալու համար: Մուրճի հարվածների շնորհիվ տաշվում են սուր անկյունները, քարը կերպարանափոխվում է՝ «վայրի» քարից դառնալով շինարարության համար պիտանի քար: Միայն կատարյալ քարը կարող է դրվել հիմքում կամ էլ տաճարի պատերում: Կատարյան և ճիշտ ձևի քարերը միշտ նման են միմյանց: Միայն վայրի քարերը կարող են բացարձակ տարբեր ձև ունենալ: Այդպիսի քարերն ունեն իրենց յուրահատուկ գեղեցկությունը և էսթետիկան, սակայն մասոնության տեսանկյունից դա «աշխարհիկ» աշխարհի էսթետիկա է: Մասոնների համար պրոֆան բառը որևէ բացասական իմաստ չունի, և մարդկանց դեպքում կիրառելիս այն ուղղակի նշանակում է՝ ոչ մասոն: Մասոնների տեսանկյունից աշխարհը սիմվոլիկ բաժանվում է մասոնների և պրոֆանների: Պրոֆանյան արժեքները, պրոֆանյան կյանքն այն ամենն է, ինչ կատարվում է տաճարի սահմաններից և ծիսական աշխատանքներից դուրս: Յուրաքանչյուր մասոն, բնականաբար ունի իր աշխարհիկ՝ պրոֆանյան կյանքը, և մասոնությունը ոչ մի կերպ չի փոքրացնում դրա արժեքները և նշանակությունը:
Վայրի քար և տաշած քար
Օթյակի ծիսական աշխատանքների ժամանակ Բ սյունի կողքին կամ էլ Խորանի ձախ մասում դրվում է «Վայրի քարը»: Յա սյունի կողքին կամ էլ Խորանի աջ մասում էլ դրվում է կատարյալ քարը, որը պատրաստ է օգտագործման համար: Մասոնական աշխատանքը կայանում է նրանում, որ տաշվեն վայրի քարերը, բարելավվեն անմիջականորեն բնության կողմից ստեղծված արարածները՝ ջնջելով դրանց վրայից անհարթությունները, անհավասարությունը՝ տալով դրանց իրենց նպատակին ծառայելու համար նախատեսված ձև:
Պատվավոր վարպետի մուրճ
Մասոնական մուրճը նաև աշխարհիկ իշխանության խորհրդանիշն է: Մուրճն օգտագործում է Օթյակի Պատվավոր վարպետը, Օթյակի առաջին պահապանը և Երկրորդ Պահապանը ծիսական աշխատանքների ժամանակ: Օթյակի Պատվավոր վարպետի գահին կա երկու գործիք՝ մուրճ և բոցավառ թուր: Մուրճն աշխարհիկ իշխանության խորհրդանիշն է, իսկ բոցավառ թուրը՝ հոգևոր իշխանության խորհրդանիշը:
Շարունակությունը 05.12.2013-ին