Լատինամերիկյան երկրներում կանանց հորդորում են չհղիանալ մինչև 2018 թվականը: Նման առաջարկով հանդես է եկել Սալվադորի առողջապահության փոխնախարար Էդուարդո Էսպինոզան:
Պատճառը տարածաշրջանում տարածվող Զիկա կոչվող վարակիչ հիվանդությունն է, որի հետևանքով կարող են անոմալ փոքր գլխով երեխաներ ծնվել: Այդ հիվանդությամբ կանայք վարակվում են մոծակի խայթոցի հետևանքով: Վիրուսի պատճառով կարող են նաև մտավոր հետամնաց երեխաներ ծնվել:
Միջոցառումներ են ձեռնարկվում Բրազիլիայում Կոլումբիայում և Հաիթիում:
