Ռուս քաղաքական գործիչ Բորիս Նեմցովի սպանության գործով հետաքննությունը ավարտվել է: Այս մասին երեքշաբթի հայտարարել է մեղադրվողներից մեկի պաշտպան Մուս Հադիսովը:
«Քիչ առաջ ինձ զանգահարեցին քննչական կոմիտեից և ասացին, որ հետաքննվող գործը ավարտվել է, մոտ ժամանակներս մենք կսկսենք ծանոթանալ գործի նյութերին», —ասել է Հադիսովը:
Այժմ տուժող կողմը, մեղադրվողները և պաշտպանները պետք է ծանոթանան գործին կցված նյութերի հետ, ինչից հետո դրանք կփոխանցվեն դատախազությանը և դատարանին:
Հիշեցնենք, որ Բորիս Նեմցովը սպանվել էր նախորդ տարվա փետրվարի 28-ին՝ Մոսկվայում:
