Թուրքական NTV հեռուստաալիքին տված հարցազրույցի ժամանակ Թուրքիայի արտգործնախարար Մևլյութ Չավուշօղլուն հայտարարել է,որ Անկարան կբոյկոտի Սիրիայի վերաբերյալ բանակցությունները, եթե դրանց մասնակցի Սիրիայի քրդերի «Դեմոկրատական միություն» կուսակցությունը (PYD):
«Ի՞նչ կարգավիճակով է PYD-ը մասնակցելու բանակցություններին։ Մի՞թե կարող է ահաբեկչական կազմակերպությունը ժողովուրդ ներկայացնել։ Բանակցությունները պետք է լինեն վարչակարգի ու ընդդիմության միջև։
Այնտեղ չպետք է լինեն ահաբեկչական կազմակերպություններ։ Ավելի վաղ հաղորդվել էր, որ PYD-ը չի ստանա հրավեր։ Եթե նրան հրավիրեն ժնևյան բանակցություններին, ապա բնականաբար մենք կբոյկոտենք դրանք»։ Միջսիրիական բանակցությունները Ժնևում կմեկնարկեն հունվարի 29-ին։