ՀՀ նախագահ Սերժ Սարգսյանը ԼՂՀ նախագահ Բակո Սահակյանի, Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի հետ և ՀՀ բարձրագույն ղեկավարության ուղեկցությամբ, Բանակի օրվա առթիվ այցելել է «Եռաբլուր» զինվորական պանթեոն:
Ներկաների հետ միասին Երևանի քաղաքապետ Տարոն Մարգարյանը ծաղիկներ է խոնարհել Սպարապետ Վազգեն Սարգսյանի և Զորավար Անդրանիկ Օզանյանի շիրիմներին:
Հանրապետության նախագահի գլխավորությամբ ներկաները մեկ րոպե լռությամբ հարգել են Հայրենիքի անկախության համար իրենց կյանքը զոհաբերած հայորդիների հիշատակը, որից հետո մատուցվել է հոգեհանգստյան կարգ:
Երևանի քաղաքապետարանի տեղեկատվության
և հասարակայնության հետ կապերի վարչություն
