Վաղը Շիրակի մարզի ընդհանուր իրավասության դատարանում տեղի կունենա Ավետիսյանների ընտանիքի սպանության գործով հերթական դատական արտագնա նիստը, որը կմեկնարկի ժամը 12:00-ին: Սպանության մեջ մեղադրվող Վալերի Պերմյակովի գործով դատական նիստը տեղի կունենա ռուսական 102-րդ ռազմաբազայում:
Սպանված Ավետիսյանների իրավահաջորդների ներկայացուցիչները միջնորդություն էին ներկայացրել՝ դատական նիստերը Շիրակի մարզի ընդhանուր իրավասության սատարանում անցկացնելու վերաբերյալ, սակայն, դատարանը մերժել էր միջնորդությունը:
Հիշեցնենք, որ Պերմյակովին մեղադրանք է առաջադրվել ՀՀ Քրեական օրենսգրքի 104 հոդվածի 2-րդ մասի 1-ին, 5-րդ, 8-րդ կետերով, 175 հոդվածի 2-րդ մասի 3-րդ, 4-րդ կետերով և ՀՀ Քրեական օրենսգրքի 34-329 հոդվածի 1-ին մասով:
