Առողջապահության համաշխարհային կազմակերպությունը կոչ է արել երեխաներին հեռու պահել ծխող հերոսներով ֆիլմերից: ԱՀԿ-ն հույս ունի «Օսկարի» մրցանակաբաշխության նախօրեին ուշադրություն հրավիրել այդ խնդրի վրա, տեղեկացնում է The Guardian-ը:
«Ծխելուց ազատ ֆիլմեր» զեկույցում կազմակերպությունը գրում է, որ մինչ երկրները պայքարում են ծխախոտի գովազդի և հովանավորության դեմ, ծխախոտ արտադրողները դիմում են կինոյի արդյունաբերությանը ծխողների հաջորդ սերնդին «հավաքագրելու» նպատակով:
ԱՀԿ-ն վիճակագրություն է մեջբերում, որի համաձայն, 2014-ին ծխելու տեսարաններ են պարունակվել բոլոր հոլիվուդյան ֆիլմերի 44 տոկոսում եւ երիտասարդ հանդիսատեսի դիտմանը թույլատրված ֆիլմերի 36 տոկոսում:
2009-ին կազմակերպությունն արդեն կոչ էր արել երեխաներին զերծ պահել ծխելու տեսարաններով ֆիլմերից:
