Թայլանդում կատաղած փիղը սպանել է զբոսաշրջիկին ու լրջորեն վնասել իրեն խնամողին: Միջադեպը տեղի է ունեցել Սամույ կղզում: Զբոսաշրջիկը 16-ամյա դստեր հետ քայլելիս է եղել անտառում:
Lenta.ru-ի հաղորդմամբ, լուսանկարվելու ընթացքում կենդանին հարվածել է զբոսաշրջիկի մեջքին, նա տեղում մահացել է: Աղջիկն ընկնելու հետևանքով վնասվածքներ է ստացել: Տեղի ունեցածից հետո փիղն անտառ է փախել:
Ականատեսները պատմել են, որ 13-ամյա արու փիղը կատաղած է եղել, հրամաններին չի ենթարկվել:
