«Այսօրվա ՀՀԿ ԳՄ նիստում կոալիցիայի, համագործակցության հետ կապված վերջնական որևէ հարց չենք քննարկել»,- այս մասին այսօր ՀՀԿ Գմ նիստից հետո լրագրողների հետ զրույցում ասաց ՀՀԿ խոսնակ Էդուարդ Շարմազանովը:
Նրա խոսքով, քննարկումները դեռ շարունակվում են և մինչև հաջորդ շաբաթվա վերջ այդ հարցի վերաբերյալ հստակություն կլինի:
Հարցին, թե ինչու է ձգձգվում համագործակցությունը, նա պատասխանեց, որ դա պայմանավորված է նրանով, որ թե ՀՀԿ-ի, թե ՀՅԴ-ի կողմից համագործակցության հիմքը ոչ թե պաշտոններն են, այլ գաղափարախոսությունը, ծրագրային դրույթները, պատասխանատվության խնդիրն է, ուստի քննարկումները դեռ չեն ավարտվել։
