Փետրվարի 4-ին, ժամը 21.50-ին ահազանգ է ստացվել, որ Երևանի Մյասնիկյան պողոտայի «Բելաջիո» ռեստորանի մոտակայքում տեղի է ունեցել ՃՏՊ՝ ավտոմեքենան բախվել է մայթեզրի ճաղավանդակին:
Դեպքի վայր են մեկնել մեկ մարտական հաշվարկ և ՀՆՓԱԻ կենտրոնի փրկարարական ջոկատը:
Պարզվել է, որ դեռևս չպարզաբանված հանգամանքներում «Mercedes E 230» մակնիշի 35 PS 635 պետհամարանիշի (վարորդ՝ Ս. Ա.) ավտոմեքենան դուրս է եկել ճանապարհի երթևեկելի հատվածից և բախվել ծառին, այնուհետև` մայթեզրի ճաղավանդակին:
Փրկարարները անջատել են ավտոմեքենայի մարտկոցը և փակել գազի փականը:
