Նոր Նորք վարչական շրջանի ղեկավար Արմեն Ուլիխանյանը ֆեյսբուքյան իր էջում գրում է.
Սիրելի բնակիչներ
Նոր Նորք վարչական շրջանում ամբողջ գիշեր իրականացվել են ձնամաքրման և ձնահեռացման աշխատանքներ, համապատասխան բոլոր ծառայություններն աշխատել են արտակարգ ռեժիմով, գործի է դրվել տեխնիկական ողջ ներուժը: Այս պահին ևս աշխատանքները շարունակվում են ակտիվ կերպով` փորձելով առավելագույնս մեղմել տեղումների հետևանքները:
Հավատացնում եմ ձեզ, որ տեղումների դադարից անմիջապես հետո աշխատանքների արդյունքը տեսանելի կլինի:
Պատճառված անհարմարությունների համար հայցում եմ մեր բնակիչների ներողամտությունը:
