Հայաստանի ՏԿԱԻՆ-ում, այսօր՝ փետրվարի 10-ին, ժամը 03.46-ին տեղեկություն է ստացվել, որ հրդեհ է բռնկվել Երևանի Պռոշյան փողոցի տներից մեկում:
Դեպքի վայր են մեկնել երկու մարտական հաշվարկ, ՃԿԱԿ ԱԻ արձագանքման և օպերատիվ խմբերը:
Հրդեհը մեկուսացվել է ժամը 04.00-ին, մարվել՝ 04.26-ին: Այրվել են տան խոհանոցը, սանհանգույցը՝ գույքով (մոտ 6 քմ) և մասամբ հյուրասենյակի կախովի առաստաղը (մոտ 4 քմ):
Մինչ հրշեջ-փրկարարների կանչի վայր հասնելը՝ 22-ամյա Գ. Ք.-ն ինքնուրույն դուրս է եկել տնից:
Հրշեջ-փրկարարները տանից դուրս են բերել 69-ամյա Բ. Ք.-ին, ով հոսպիտալացվել է «Հերացու անվան» թիվ 1 հիվանդանոցային համալիր. բժիշկները տուժածի առողջական վիճակը գնահատել են բավարար:
