ՀՀ նախագահի նստավայրում պաշտոնատար անձանց եւ նախագահ Սերժ Սարգսյանի հանդիպումն ավարտվել է: Պաշտոնյաները դուրս են գալիս նախագահական նստավայրից:
Նրանք հրաժարվում են լրագրողներին մանրամասներ ներկայացնել հանդիպման վերաբերյալ:
Արագածոտնի մարզպես Սարգիս Սահակյանն ասաց, որ քննարկվել են սահմանադրական փոփոխությունները, իր պաշտոնանկության հարցը չի քննարկվել:
Նշենք, որ ՀՀ նախագահ Սերժ Սարգսյանը նախագահի նստավայրում հյուրընկալել էր օրենսդիր, գործադիր եւ դատական իշխանությունների, տարածքային կառավարման եւ տեղական ինքնակառավարման մարմինների ղեկավար կազմի ներկայացուցիչներին:
