ՀՀ նախագահի նստավայրի մոտից Armtimes.com-ի թղթակիցն այս պահին հաղորդում է, որ նախագահական նստավայր են գալիս գործադիր իշխանության ներկայացուցիչները, այդ թվում նախարարները, մարզպետները եւ Երեւանի վարչական շրջանների ղեկավարները: Արագածոտնի եւ Շիրակի մարզպետները լրագրողների հետ զրույցում ասել են, որ չգիտեն թե ինչի համար են հրավիրվել նախագահական, եւ տեղյակ չեն իրենց պաշտոնանկության հետ կապված որոշումներից:
Շիրակի մարզպետ Ֆելիքս Ցոլակյանը, մասնավորապես նշել է, որ ինչպիսի որոշում էլ կայացվի իր վերաբերյալ, ինքը կհարգի այդ որոշումը:
ԱԺ փոխոսնակ Էդուարդ Շարմազանովը, ով նույնպես շտապում էր նախագահական, լրագրողներին հորդորել է հարցերի պատասխանները ստանալու համար սպասել, մինչեւ կհրապարակվի Սերժ Սարգսյանի ելույթը: Մեր թղթակցի փոխանցմամբ՝ այս պահին պաշտոնյաների հոսքը դեպի նախագահական դեռ շարունակվում է:
Նախագահական նստավայր եկան նաեւ նախկին ԲՀԿ-ական պատգամավորներ Էլինար Վարդանյանը, Ստեփան Մարգարյանը եւ Մարտուն Գրիգորյանը: Նախագահական եկավ նաեւ ԲՀԿ նախագահ Նաիրա Զոհրաբյանը:
Մանրամասն՝ սկզբնաղբյուր կայքում
