Այսօր, փետրվարի 13-ին, ավտովթար է տեղի ունեցել Գեղարքունիքի մարզում: Ժամը 10:00-ի սահմաններում Ճամբարակ քաղաքի բնակիչ, 27-ամյա Սարգիս Առաքելյանը իր վարած ՎԱԶ-21213 մակնիշի 02 ՕՕ 098 համարանիշի ավտոմեքենայով Դրախտիկ-Ճամբարակ ավտոճանապարհին դուրս է եկել երթևեկելի գոտուց դեպի աջակողմյան հատված և կողաշրջվելով հայտնվել դաշտամիջյան հատվածում:
Վթարի հետևանքով վարորդ Ս. Առաքելյանն ու ուղևորներ` 36-ամյա Հայկ Բարսեղյանը, 32-ամյա Հովսեփ Մելյանը, 25-ամյա Վարդուհի Պրազյանը և 2-ամյա Լիլիթ Պրազյանը մարմնական վնասվածքներով տեղափոխվել են Ճամբարակի «Առողջության կենտրոն» ՓԲԸ:
Դեպքի վայր են ժամանել Ճանապարհային ոստիկանության 2-րդ սպայական գումարտակի 4-րդ վաշտի 1-ին դասակի աշխատակիցները` վաշտի հրամանատար Սերգեյ Հակոբյանի և դասակի հրամանատար Արա Շահնազարյանի գլխավորությամբ:
Տեղում քննչական աշխատանքները ղեկավարել է Հայաստանի քննչական կոմիտեի Գեղարքունիքի մարզային քննչական վարչության Սևանի քննչական բաժնի քննիչ Դավիթ Շահբազյանը, ում կողմից փաստի առթիվ նյութեր են նախապատրաստվում:
