Հուլիսի 12-ին Խոր Վիրապ վանքի Սուրբ Աստվածածին եկեղեցում կայացել է ազգությամբ հայ, Ֆրանսիայի Վիեն քաղաքի փոխքաղաքապետ Լևոն Սաքունցի և Աստղիկ Ոսկանյանի պսակադրության արարողությունը: Մեր ունեցած տեղեկությունների համաձայն, հարսանյաց հանդեսը շարունակվել է «Ֆլորենս»ռեստորանային համալիրում:
www.analitik.am-ը սրտանց շնորհավորում է Լևոն Սաքունցին և Աստղիկ Ոսկանյանին՝ մաղթելով նրանց երկարատև և երջանիկ համատեղ կյանք, նորանոր աշխատանքային հաջողություններ և բարձունքներ, ինչպես նաև քաջ առողջություն:
Հիշեցնենք, որ ազգությամբ հայ Լևոն Սաքունցը ծնվել է 1986 թվականին՝ Երևանում: Ընտանիքը տեղափոխվել է Ֆրանսիա, երբ նա 13 տարեկան է եղել:
Քաղաքականության մեջ առաջին քայլերը Լևոնն արել է 2007 թվականին՝ Ֆրանսիայի նախկին նախագահ Նիկոլա Սարկոզիի նախընտրական քարոզարշավի ժամանակ: Այդ ժամանակից ի վեր՝ Լևոն Սաքունցը աջակողմյան «Ժողովրդական շարժում միություն»(UMP) կուսակցության ակտիվ անդամ է, որի կազմում է նաև ճանաչված քաղաքական գործիչ Պատրիկ Դևեջյանը:
2012 թվականից նաև կուսակցության խորհրդի անդամ է: Քաղաքական կյանքին զուգահեռ ակտիվ մասնակացություն ունի համայնքային կյանքին: Լևոնը նաև Հայաստան հիմնադրամի խորհրդի անդամ է և ակտիվորեն մասնակցում է հեռուստափառատոնի կազմակերպչական աշխատանքներին:
