«Երևան Սիթի» սուպերմարկետների ցանցը հերթական անգամ տհաճ անակընկալ է մատուցում իր գնորդին:
Փակ շուկայում գործող «Երևան Սիթի»-ից գնված Վարսակի փաթիլը (Հերկուլես ) որդնած է: Ինչպես նշում է գնորդը, պարզվում է պահպանման ժամկետը 11 ամիս ուժի մեջ է, սակայն ներկայացված լուսանկարներից պարզ երևում է, որ այն շատ հին է և ենթադրվում է, որ ժամկետը փոխված է, քանի որ պահպանման ժամկետի խախտման դեպքում միայն կարող էր ապրանքը որդնել:
Այս տնտեսվարողի անպարտաճանաչ պահվածքի պատճառով, տուժում են բազմաթիվ գնորդներ, սակայն ցավալի է, որ նշված կերակրատեսակը օգտագործվում է հիմնականում երեխաներին կերակրելու համար. փաստորեն Սամվել Ալեքսանյանին պատկանող սուպերմարկետների ցանցում պատրաստ են հանուն իրենց բիզնեսի թունավորել երեխաներին՝ վաճառելով փչացած ապրանք:
Analitik.am-ը հետևողական կլինի այս հարցում և կներկայացնի գնված ապրանքի վերաբերյալ ՍԱՊԾ եզրակացությունը: Եթե կան այլ անձինք, ովքեր ևս տուժել են անբարեխիղճ տնտեսվարողի պատճառով, ապա պատրաստ ենք լուսաբանելու:
