Գերմանիայում հրատարակվել է «Անգելա Մերկելի առաջին կյանքը» գիրքը, որը նվիրված է Գերմանիայի կանցլերի երիտասարդության տարիներին: Աշխատության հեղինակները նրան մեղադրում են ԽՍՀՄ իշխանությունների հետ համագործակցելու մեջ: Այս մասին գրում է գերմանական Spiegel պարբերականը:
Հեղինակների կարծիքով, Գերմանիայի գործող կանցլերը սերտ համագործակցության մեջ է եղել խորհրդային ՊԱԿ-ի հետ, եւ քաղաքականությունում ճանապարհ է հարթել Մոսկվայի գործուն աջակցության շնորհիվ: Մասնավորապես երիտասարդ Մերկելը անդամակցել է գերմանական կոմսոմոլին, որտեղ եղել է գաղափարախոսության հարցերով պատասխանատու:
Բացի այդ կանցլերը անդամակցել է ԳԴՀ ու ԽՍՀՄ բարեկամության դաշինքին:
Իր հերթին Մերկելը չի ժխտել իրեն առաջադրված փաստարկները՝ նշելով, որ այդ մասին չի բարձրաձայնել, քանի որ իրեն երբեք չեն հարցրել:
