Ինչպես տեղեկացրել էինք ԱԺ նախագահ Գալուստ Սահակյանին հիվանդանոց էին տեղափոխել, որտեղ նրան այսօր տեսակցելու էին գնացել ԱԺ փոխնախագահներ՝ Էդուարդ Շարմազանովը եւ Հերմինե Նաղդալյանը, ինչպես նաև ԱԺ նախկին նախագահ Տիգրան Թորոսյանը:
Տեսակցելուց հետո լրագրողների հարցին, թե ինչպե՞ս է իրեն զգում Գալուստ Սահակյանը, Շարմազանովը պատասխանեց. «Նորմալ է, փառք աստծո, ապաքինվում է պարոն Սահակյանը, հուսով եմ շուտով կապաքինվի եւ կվերադառնա բնականոն աշխատանքի»:
Հերմինե Նաղդալյանն էլ ասաց, որ անհանգստանալու կարիք չկա, բժիշկների հսկողության տակ է գտնվում: «Երեւի գարունն իր ազդեցությունը թողել է, հուսով եմ՝ շատ շուտ կապաքինվի»,- ասաց ԱԺ փոխնախագահը:
