Հանրապետության տարածքում փետրվարի 19-ին արևելյան շրջաններում, 20-ին շրջանների մեծ մասում, 21-ին արևմտյան շրջաններում սպասվում են տեղումներ: 22-23-ը սպասվում է առանց տեղումների եղանակ:
Ինչպես տեղեկացնում է Տարածքային կառավարման և արտակարգ իրավիճակների նախարարությունը, քամին կլինի արևմտյան՝ 2-7 մ/վրկ արագությամբ, 19-ին առանձին վայրերում սպասվում է քամու ուժգնացում՝ 15-20 մ/վրկ արագությամբ:
Օդի ջերմաստիճանը 19-ի ցերեկը Լոռիում, Տավուշում, Սյունիքում և Արցախում կնվազի 8-10, մնացած շրջաններում՝ 4-5 աստիճանով, 22-23-ը աստիճանաբար նույնքան կբարձրանա:
Երևանում այս պահին օդի ջերմաստիճանը +3 է։ Մայրաքաղաքում փետրվարի 19-ին, 22-23-ը սպասվում է առանց տեղումների եղանակ, 20-21-ը սպասվում է անձրև:
Երևանի փետրվարի 19-ի բազմամյա կլիմայական տվյալներ.
• Օդի առավելագույն ջերմաստիճան՝ 13.90C (1996 թ.)
• Օդի նվազագույն ջերմաստիճան՝ -14.90C (1994 թ.)
• Օդի միջին օրական ջերմաստիճան՝ -0.20C
