Արարատյան Արտեզյան ավազանի ձկնաբուծարանները տարեկան մինչև մեկ միլիարդ խորանարդ մետր բարձրորակ խմելու ջուր են արդյունահանում և մի քանի միլիոն ԱՄՆ $ ձուկ աճեցնելուց հետո անվերադարձ թափում Արաքս գետ:
Սաուդյան Արաբիայում ոռոգման և խմելու համար օգտագործվող ջրի պակասի պատճառով օգտագործում են նաև ծովի աղազրկված ջուր: 2014 թվականի տվյաներով մեկ խորանարդ մետր ջրի աղազրկման ծախսերը կազմում են 4 ԱՄՆ $:
Հայաստանից ընդամենը 1400 կմ հեռավորության վրա Հայաստանի ձկնաբուծարանների օգտագործած տարեկան 1 մլրդ խորանարդ մետր ջուրը արդեն արժե 4 մլրդ $ կամ որ նույնն է 1.62 տրիլիոն դրամ՝ շատ ավելի քան Հայաստանի Հանրապետության պետական բյուջեն է:
Հայաստանում ջրի բացառիկ սեփականատեր ՀՀ քաղաքացին ձկնաբուծարաններից հարկերի տեսքով ստանում է 50 լումա մեկ խորանարդ մետր ջրի օգտագործման համար (մինչև վերջերս 5 լումա), 10 000 դրամ միանվագ՝ ջրօգտագործման թույլտվություն ստանալու համար, իսկ ձկնաբուծական արտադրանքը ազատված է հարկերից:
