Մեծ Բրիտանիայի՝ Եվրամիությունում մնալու կամ այն լքելու մասին հանրաքվեն տեղի կունենա հունիսի 23-ին: Այդ մասին հայտարարել է երկրի վարչապետ Դևիդ Քեմերոնը, գրում է BBC-ն:
Դաունինգ փողոցում կառավարության հետ ճեպազրույցից հետո անելով իր պատմական հայտարարությունը՝ նա քվեարկությունը դիտարկել է որպես «մեր կյանքի ընթացքում ամենամեծ որոշումներից մեկը» և հայտարարել է, որ նա կքարոզի բարեփոխված ԵՄ-ի կազմում մնալու օգտին:
Իր հայտարարությունում Քեմերոնը նախազգուշացրել է, որ Եվրամիությունից դուրս գալը կլինի «ցատկ դեպի մթություն» և կոչ է արել ընտրողներին պաշտպանել իր բարեփոխումների գործարքը:
