Կառավարության նիստի օրակարգում է Հայաստանի և Ֆրանսիայի կառավարությունների միջև դիվանագիտական ներկայացուցչությունների, հյուպատոսական հիմնարկների և միջազգային կազմակերպություններում մշտական ներկայացուցչությունների աշխատողների ընտանիքների անդամներին փոխադարձաբար աշխատանքի իրավունքի տրամադրման մասին» հայտագրերի փոխանակմամբ կնքվող համաձայնագրի կնքման առաջարկությանը համաձայնություն տալու մասին հարցը:
Կից ներկայացված տեղեկանք-հիմնավորման մեջ նշված է, որ համաձայնագիրը նաև առնչվում է ՀՀ և ԵՄ անդամ պետությունների միջև կնքված վիզաների դյուրացման մասին պայմանագրին, որով վերացվում է ԵՄ պետություններ այցելելիս մուտքի արտոնագրի պահանջը դիվանագիտական անձնագիր ունեցող անձանց համար:
Եվրոպական պետություններից միայն Շվեյցարիայի հետ է կնքել նման միջազգային պայմանագիր, որն ուժի մեջ է մտել 2012-ին, իսկ Գերմանիայի Դաշնային Հանրապետության, Բելգիայի Թագավորության հետ համաձայնագրերը գտնվում են համաձայնեցման փուլում:
