ԱԺ ճեպազրույցների ժամին «Հայ Յեղափոխական Դաշնակցություն» խմբակցության ղեկավար Արմեն Ռուստամյանը լրագրողների հայտնեց. «Իրենց ինչ ցավն է, ուզում են անպայման Քոչարյանը գա՞, է՞դ են ուզում»: Այս կերպ նապատասխանեց այն հարցին, թե ինչպես է գնահատում «Հայ ազգային կոնգրես» խմբակցության ղեկավար Լևոն Զուրաբյանի այն հայտարարությունը, թե ՀՅԴ-ՀՀԿ համագործակցությունը նաև այն բանի համար է, որ օտարեն ՀՀ երկրորդ նախագահ Ռոբերտ Քոչարյանի հնարավոր վերադարձը:
«Զարմանալի է, որ օտարելու մեջ մեղադրում են մի քաղաքական ուժի, որն այդ անձի հետ համագործակցության երկար պատմություն ունի, և այն մարդիկ, ովքեր դավաճանության ու ինչ համար ասես այդ մարդուն չեն մեղադրել՝ նրան համարելով հայության թիվ մեկ թշնամին»,-ասաց նա:
«Մենք այսօր էլ նորմալ հարաբերությունների մեջ ենք Քոչարյանի հետ, և եթե նա որոշի ակտիվ քաղաքականության մեջ լինել, կողջունենք, մենք իսկապես աշխատել ենք միասին, և այդ տարիները մեր երկրի համար վատ տարիներ չեն եղել, վերելքի տարիներ են եղել»,-ասաց նա:
Իսկ եթե վերադառնա, արդյո՞ք կթողնեն ՀՀԿ-ի հետ համագործակցությունը, Ռուստամյանը նշեց, որ կապ չունի, թե ում հետ են համագործակցում, կարևորը՝ ընդունեն իրենց կողմից նշված ծրագրերի շուրջ լինի:
