Ֆրանսիայում Զիկա վիրուսի սեռական եղանակով փոխանցման առաջին դեպքն է գրանցվել, հայտնել է երկրի առողջապահության նախարար Մարիսոլ Տուրենը:
Նրա տվյալների համաձայն, «մի քանի օր առաջ սեռական եղանակով կնոջ վարակում է արձանագրվել. վիրուսը կնոջն է փոխանցվել զուգընկերոջից, որը վերջերս էր վերադարձել Բրազիլիայից»: Զույգն ապրում է Փարիզի շրջանում:
Առողջապահության նախարարության տվյալների համաձայն, կնոջ վիճակը «նորմալ» է:
