Այսօր նոր Ընտրական օրենսգրքի նախագծի շուրջ կազմակերպվել էր հանրային քննարկում, որին մասնակցում էին խորհրդարանական ուժերի ներկայացուցիչներ, հասարակական կազմակերպությունների ներկայացուցիչներ, փորձագետներ: Հրավիրված էին նաև իշխանության ներկայացուցիչներ, սակայն նրանք չէին ներկայացել:
Քննարկման ժամանակ ՀԱԿ խմբակցության ղեկավար Լևոն Զուրաբյանն ասաց, որ «Ժողովուրդն ասում է, որ ստեղծվել է մի իրավիճակ, որ հնարավոր չէ ընտրությունների միջոցով փոխել իշխանությունը: Իրականում իսկապես տեսակետ կա, որ միակ հնարավորությունը այս իշխանություններից պրծնելու ահաբեկչությունն է, և այդ տեսակետը արմատականանում է: Մենք այստեղ քննարկելու ենք, թե, այնուամենայնիվ, ինչ-որ բան կարելի՞ է անել, որ ոչ թե զենքով հարցերը լուծվեն, այլ քվեաթերթիկով, մենք փորձում ենք երկիրը փրկել ահաբեկչությունից »:
