Ռուսական TASS լրատվական գործակալության փոխանցմամբ՝ Սիրիայի հետ սահմանին Թուրքիայի գործողությունները կարող են խաթարել Սիրիայում հրադադարի մասին պայմանավորվածությունը։ Այդ մասին հայտարարել է Ռուսաստանի փոխարտգործնախարար Սերգեյ Ռյաբկովը։
Նրա խոսքերով՝ Թուրքիան չի հրաժարվել Սիրիայի տարածքին հրետանիով անդրսահմանային հարվածներ հասցնելու, ինչպես նաև Սիրիայի հետ սահմանի երկայնքով ինչ-ինչ «գոտիներ» ստեղծելու գաղափարից. «Այստեղ շատ վտանգավոր իրավիճակ է՝ կախված այն տեսանկյունից, թե ինչպես կարող է իրեն պահել Անկարան»։
Ռյաբկովն ընդգծել է, որ Սիրիայում արտաքին խաղացողների և մասնավորապես Թուրքիայի կողմից ուժ կիրառելը կարող է խաթարել այդ երկրում քաղաքական կարգավորումը։ Ռյաբկովը հավելել է, որ Սիրիայում քաղաքական կարգավորման գործընթացին տեղի քրդերի չմասնակցելը վնասում է բանակցություններին, և որ Մոսկվան հուսով է, որ բանակցությունների գծով գործընկերները կփոխեն այդ հարցում իրենց դիրքորոշումները։
