«Օրինավոր որսի ակումբ» հասարակական նախաձեռնության նախագահ Էդուարդ Սարիբեկյանը համոզված է, որ որսորդության զարգացումը Հայաստանում կբերի դրական առաջընթացի: Այս մասին նա հայտարարեց այսօրվա ասուլիսին:
Ըստ նրա՝ դա կօգնի, որ երիտասարդները մինչ բանակը գնալը ծանոթ լինեն զենքին: Եվ հետո՝ որսորդության զարգացումը կարող է նպաստել տուրիզմի զարգացմանը:
Է. Սարիբեկյանի տվյալներով՝ թեև այսօր արգելված է այծյամի, կատվազգիների, մուֆլոնի, արջի և բեզուարյան այծի որսը, սակայն դրանց որսագողությունը շարունակվում: Բայց դրան զուգահեռ հանրապետությունում բեզուարյան այծի քանակն ավելացել է: Իսկ թռչունների թվաքանակը նվազել է, բայց ավելացել է ագռավների և կաչաղակների թիվը:
