«Amnesty international» իրավապաշտպան կազմակերպությունը այսօր հայտնել է, որ ռուսական և սիրիական օդուժը պարբերաբար ոչնչացնում է Հալեպի շրջակայքի հիվանդանոցները:
Կազմակերպության կողմից տարածված հաղորդագրության մեջ նշվում է, որ իրենք ապացույցներ ունեն առ այն, որ վերջին 12 շաբաթվա ընթացքում առնվազն 6 անգամ ռմբակոծվել են այս շրջանի հիվանդանոցները և բժշկական կենտրոնները: Այս ամենի արդյունքում զոհվել է առնվազն 3 և վիրավորվել 44 մարդ:
