Նորվեգուհի Ալեքսանդրա Անդրեսենը, երբ 19 տարեկան հասակում իր հայրը կարողության 80%-ը կտակեց 2 դուստրերին, դարձավ 1 միլիարդից անցնող կարողության ամենաերիտասարդ տերը: Նրա կյանքի մասին պատմել է բրիտանական The Telegraph պարբերականը:
Ալեքսանդրան ապրում է համեմատաբար համեստ կյանքով: Նա հաճույքով օգտվում է սոցիալական ցանցերից:
Instagram-ում հաճախ պատմում է իր գլխավոր զբաղմունքի` ձիավարության մասին, ինչպես նաև քարոզում է բուսակերություն:
Նրա ընկերը նորվեգացի խառը մարտավեստների մարտիկ Յոահիմ Տոլեֆսենն է: Ալեքսանդրան իր ժամանակի մեծ մասն անցկացնում է Գերմանիայում, որտեղ պատրաստվում է ձիարշավների մրցումներին:
