Չինաստանի հյուսիսում ոստիկանությունը կալանավորել է յոթ մարդու, որոնք կասկածվում են երեխաներին ստիպողաբար արյուն հանձնելու մղելու մեջ, հայտնում է BBC-ի ռուսական ծառայությունը:
Կալանավորվածներից մեկը՝ դոնորական կենտրոնի ղեկավարի տեղակալը, պատմել է, որ իր վրա ճնշում էին գործադրում դոնորների թիվը մեծացնելու համար:
Չինական լրատվամիջոցները, վկայակոչելով պետանվտանգության նախարարության ներկայացուցչին, հայտնում են, որ կասկածյալներն առնվազն յոթ երեխաների ստիպել են կես տարուց ավելի նվազագույնն ամսական մեկ անգամ արյուն հանձնել:
Ըստ պաշտոնյաների՝ նրանք նաեւ կեղծ փաստաթղթեր են օգտագործել, քանի որ Չինաստանում օրինական կարգով արյուն կարելի է հանձնել 18 տարեկանից հետո:
Հաղորդվում է, որ երեխաներին ծեծել են, երբ վերջիններս չեն ցանկացել արյուն հանձնել:
